| 
你說這是一個如芒果布甸般甜蜜的故事? 我卻覺「他」比芒果布甸更有質感、更加甜蜜。
你說這是一個如出前一丁般滿足的故事? 我卻覺「他」比起寒夜裡的丁麵更有令人感到溫暖、更加滿足。
因為這是一個關於愛情的故事~ 「二人餐」情人節精選套餐 (隨餐奉上祝福乙客）
ＰＳ. 本餐廳尚餘少量座位，欲跟愛侶共進一餐甜蜜的「二人餐」，請盡早購票留座~ |
| |
| 訓左半日,終於開始琴日話要做既野啦,就係開始capture意大利Ｄ帶，~_~ cap左７個鐘都仲有大量，真係可以叫嘆息之牆....
係cap緊帶既同時就順手執下房啦，唔執都仲好，一執就發現食屎啦，有Ｄ野真係入左房就好似生左對腳咁，唔識走架啦，執到朝早7點~_~，清左大概１箱A4紙既notes、單等既紙狀垃圾....另加１黑色場務垃圾袋既雜物.... 都唔明點解可以有咁多野，買果時就知無用架啦都仲要帶入房!!!!
不過清野都有一個好處, 更加知自己呢一年做過Ｄ咩，小琴、八月、小明、終成眷屬、紅白機既file都執晒出黎，另外最離晒譜既係竟然比我執到係
四唔斷氣既場刊...同埋回應表.............即係我舊年無填啦........真係啋爆lor
Public |
| |
| 原來今日已經一月七啦~ 真係時間過得很快~ 呢幾日要努力做晒所有之前壓過年既野，如果唔係泰國團真係去都去得唔安樂~ 果兩堆WRO片剪極都好似仲有咁既><，不過岩岩就過晒eric D DVD啦 睇下星期一出開去比唔比到佢啦~ 呢個月黎所有野一入屋就堆係個房地下!! 要執房呀!!!
新一年呢一個星期，總括而言只係可以叫喪洗錢，同人講就梗係話我成個聖誕都無行過街買過衫啦，買少少都唔過份啦，假既!!! 唔好再比藉口自屬亂洗錢啦~ 唔係今個月卡數過十就知死啦~ 不過又可以計一計 泰國團啦 新電話啦 衫啦 耳環啦 Con啦... 大獲....天日jamie結婚仲要做人情.....OPPS!!!!! |
| |
| 唔經唔覺原來一個月啦，咁快又一個月啦，呢兩年呢個時候都覺得今年好多謝呢班人，開心過見識過，學佢地話成長過，舊年既1月2 係拍「八月」既最後一日，今年1月1就係快樂無罪既最後一場，其實每次做野都有出事既時間，今年年尾又真係經常發生... 不過馬生話「呢D咪經驗lor」多謝你地~
新一年新開始~ 有D野決定左希望今年會完成到!!!
尾場喪自拍 喪影相 果日真係咩牌子既相機都飛晒出黎
不過自拍之餘 影下佢地玩都癲都真係幾開心既
最想死既一part就係幾米上身既阿徐都萬民朝拜既團長
仲有半筒菲林未影完,希望快Ｄ晒埋出黎啦 |
| |
| 原本以為舊年聖誕係美麗都喪比人鬧係最難忘既聖誕，點知錯晒，今年更離普
琴日完左show無同史丹利佢地宵就去左join思廉，佢Ｄ同事真係唔錯 成堆人HEHAHA飲到大晒都仲同你講轉場!! COOL!!!
無拿拿走左3場 飛的番到粉嶺都7點幾 但其實個人仲好醒 落車果下同自己講 又一年啦 今年做野要好過上一年!!
之後即訓2個鐘 10點起身沖涼換衫 11點幾我竟然出現係聖智堂!!! 聖誕節既一早我竟然出現係教會真係自己都未諗過!!!
不過話就話係SIMON領洗 但番到去竟然發現波比都係領洗既一員~ 於是呢成堆舊同學都係晒度，但大家見到我除左講好耐無見之外，就係話我做咩瘦左同殘左.... 唔知點解完果陣好有衝動逛下呢間５年無番過黎既學校，最抵死既係陳融個間格係咁多年都無變，更衣室、DT室、先生D簿櫃、燒烤爐、甚至連以前扮乖放學放假癩死係度溫書既死角檯都係無變，見到以前先生D名同相，原來咁多年都仲教緊而且無點變樣，再望一望 原來我94年入去FORM ONE，呢個地方真係有好多野發生過... 逛緊既時候就係哼住一句播了廿幾場既歌「這十年來做過的事，能令你無悔驕傲嗎」呢個問題有Ｄ奇怪，雖然我無做過咩好叻既野，但我覺得我係曾經有過值得驕傲既時候....
４點幾黎到三角關係聖誕PARTY時間，呢班人真係傻架!!!! 多謝史丹利、胡兆強、蘇經理、同馬太既聖誕禮物^^ HEHAHA又幾個鐘~ 到ON SHOW啦 我今日真係食晒屎! CUE VIDEO 既係個SHOW 出唔到VIDEO 點講都係拉去死，仲要全部人同你補呢隻鑊，對唔住~ 岩岩今朝仲話又一年要好過舊年，又話自己有過值得驕傲既時候，到頭黎去到最基本既都做唔好，咁你仲想點，真係過唔到自己，而且我想講原來有樣野我咁多年都無改到，就係眼淺，搭火車番去既時候收到大家既SMS同電話，真係一上車全程樣衰爆，呢個團既人實在太好啦! 應承你地唔會再出事! 愛死你地呀! |
| |
